Dani Villé stel nuwe Musiek & Video vry!

Twee Keer Musiek Video:

Twee Keer gaan oor as ‘n mens in ‘n situasie is waar jy verlief is op iemand, maar die verhouding is eintlik alles net een groot spelletjie wat nie een van die twee wil opgee nie. Almal waarsku jou teen die persoon, want op die einde van die dag gaan een van julle net seerkry, maar jy wil nie luister nie, want eintlik in die geheim, hou jy van die feit dat dit net ‘n spelletjies is vir julle altwee.

Die boodskap wat Dani Villé probeer oordra in die liedjie, is dat ‘n mens moet sterk staan in sulke gevalle wanneer iemand net met jou hart wil speel, want jy is soveel beter as dit en verdien net die beste. Eventueel is jy wys genoeg om so iets van die hand te wys as jy ooit jouself in so ‘n situasie vind. Jy val nie meer vir dit wat miskien net goed genoeg is in die nou nie, want jy ken jou waarde.

Dit vat ‘n spesiale kombinasie van talent en uithouvermoë vir ‘n kunstenaar om uit te staan in die Suid-Afrikaanse musiekbedryf – en gelukkig het die opkomende ster, Dani Villé, genoeg van beide om haar ‘n blink toekoms te verseker. VERDWAAL, haar eerste enkelsnit is in Maart 2019 vrygestel, EK SOEK NET VIR JOU het gevolg in Junie 2020 en hier is sy reeds terug met nommer DRIE!

Luister na Dani Villé se enkelsnit HIER:

BESPREEK haar nou vir optrede by jou volgende fees of funksie:

Stefanie Nortier – stefanie.nortier@umusic.com

Vir meer INLIGTING:

Leozelle Bekker – Leozelle.bekker@umusic.com