Daniel & Rolene Strauss bied eersdaags kragtige deurbraak-seminare aan!
Dink jy dat verandering in ’n oogwink kan gebeur? Vir die dinamiese paartjie, Daniel en Rolene Strauss, is die antwoord ja!
Omdat hulle glo dat deurbrake kragtig is en groot verandering in jou lewe teweeg kan bring, het hulle besluit om twee Breakthrough Intensive-seminare, in Stellenbosch en Johannesburg, aan te bied. Die doel hiervan is om hulle harte, siele en kennis te deel met diegene wat op soek is na transformasie in hulle persoonlike lewe, loopbaan of besigheid.
Daniel en Rolene word beskou as een van die mees produktiewe en doelgerigte paartjies in die land – en in die laaste drie jaar het hulle drie besighede begin, gehelp om bestaande besighede uit te brei, drie boeke tussen die twee van hulle geskryf, as gassprekers opgetree regoor die wêreld en daagliks gegroei… en dit alles terwyl hulle boonop nog twee seuns ook grootmaak. Hulle erken egter dat dit nie altyd die geval was nie.
Rolene het ’n moeilike jaar gehad net nadat sy haar mediese studies voltooi het (met ’n pasgebore baba). “Ek moes besluit of ek iets in die mediese rigting gaan doen of van die wonderlike platform gebruik gaan maak wat die Mej. Wêreld-titel my gegee het. Die wêreld was my oester, maar ek het nie geweet wat om daarmee te doen nie!”
Haar groot deurbraak het gekom na maande se navorsing, persoonlike groei en afrigting gedurende die tyd waarin sy haar meestersgraad in Filosofie en Bestuursafrigting by Universiteit van Stellenbosch se Besigheidskool voltooi het. Sy het uiteindelik haar lewensdoel ontdek en reeds duisende individue gehelp deur middel van haar aanlyn kursusse.
Daniel het ook deur ’n moeilike tyd gegaan. “Hy kon nie werk kry nie, ten spyte van sy kwalifikasies, en het soos ’n mislukking gevoel. Sy deurbraak het gekom tydens ’n seminaar oor lewensveranderende persoonlike groei, asook finansiële en besigheidsgeheime. Dit is een van die redes hoekom hy so passievol is oor Breakthrough Intensive,” verduidelik Rolene. “Hy het eerstehands ervaar hoe kragtig seminare en deurbrake kan wees.”
Die eerste tweedag-seminaar sal plaasvind by Lanzerac-wynlandgoed in Stellenbosch op 24 en 25 September (van 08h30 tot 17h00), en die tweede by die Hilton Hotel, Sandton in Johannesburg op 22 en 23 Oktober (van 08h30 tot 17h00). Deelnemers kan ’n intensiewe en transformerende ervaring verwag en kan uitsien na gesprekke oor:
- Denkwyse, hoe om jou lewensdoel te vind en selfvertroue te bou deur Rolene Strauss;
- Om soos ’n miljardêr te dink, entrepreneurskap, besigheid, loopbaan en finansies deur Daniel Strauss;
- Verhoudings: Persoonlik en professioneel deur Rolene en Daniel Strauss; en
- Holistiese welstand deur Dr Ledivia Strauss.
Buiten vir ’n gedeelde passie om mense te help om deurbrake in hulle persoonlike en professionele lewens te maak, vul Daniel en Rolene se kennis en sterkpunte mekaar perfek aan, wat van hierdie ’n seminaar maak wat jy nie moet misloop nie.
“Hierdie seminaar is ideaal vir mans, vroue en/ of paartjies wat op soek is na ’n deurbraak, hetsy in hulle persoonlike of professionele lewe,” verduidelik hulle. “Jy kan ’n transformerende en intensiewe twee-dag ervaring verwag by een van die land se mooiste wynplase of mees gesogte hotelle. Kom met hoë verwagtinge vir ’n intensiewe deurbraak en duidelikheid oor die volgende stap in jou lewe.”
Daniel is ’n waagkapitaalondernemer, internasionale spreker, MBA-dosent en skrywer van die topverkoper, Dink soos ’n Miljardêr. Rolene is ’n transformasie-afrigter, mediese dokter, internasionale spreker, skrywer, entrepreneur, besigheidsvrou, Mej. Suid-Afrika 2014, en Mej. Wêreld 2014.
“Jy hoef nie te weet wat al die regte stappe is nie. Al wat jy hoef te weet is wat die regte stap is om nou te neem,” sê Rolene.
Kaartjies vir die Breakthrough Intensive-seminaar is beperk en word verkoop teen R7 950 per persoon, wat etes en drinkgoed insluit. (Reis- en verblyfkostes is nie ingesluit nie.) Daar sal aan Covid-regulasies voldoen word.
Kaartjies is beskikbaar op iTickets: https://itickets.co.za/search?query=breakthrough%20intensive
DANIEL STRAUSS
Instagram: @officialdanielstrauss
ROLENE STRAUSS
Facebook: https://www.facebook.com/OfficialRoleneStrauss/
Twitter: @Rolene Strauss
Instagram: @rolenestrauss
Webblad: www.rolenestrauss.com
PUBLISITEIT EN BEMARKING
Starburst Promosies
Alishia van Deventer
Sel: 083 635 4717
E-pos: alishia@starburstmusic.co.za
Webblad: www.starburstmusic.co.za
